مش هية بردو الدار امان

مش هى برضه الدار أمان
ليه بس بيخاف الانسان
ايه فايدته لو كان شجاع
او كان جبان
ايه لازمته قفل الببان
مش هى برضه الدار أمان
=
ليه نبنى من حاوليها صور
ليه الف حارس عا لقصور
=
طب لماهى الدار امان
ليه بننكر نفسنا لو حد جالنا
ليه الامان
بقى بس هو قوت عيالنا
=
كانت زمان
كانت امان

لما الجيران كانت جيران
والكبير لما يعدى
يلقى الخجل زى الورود
مزروعة
على وش الصبيان
=
لما الرضا كا نوا بيدوبوه
مع الشربات
ويفرقوه فى فرح البنات
=
مافيش لا دق ولا جرس
واى باب تلاقيه مفتوح
اللى نايم فى الفراندة
واللى نايم عالسطوح
=
الكل ليهم رب واحد
ان كات تريزة ولا فاطمة
ان كان محمد
او عزيز
ولا ممدوح
=
نفس الااامال
نفس الجروح
الكل ليهم رب واحد
أرسل انجيل وال قرّأن
=
الكل ليهم رب واحد
لما بترن اجراس الكنيسة
تهز قبطى
ولا يفتح قلب مسلم
صوت ااااذان
=
الكل ليهم

أب واحد هو ادم من زمان
ايه لازمته قفل الببان
ده الكل على كف الرحمن
=
هو اللى بيوزع ارزاق
هو اللى ارسل الاديان
=
ليه بس بيخاف الانسان
مش هى برضه الدار أمان